ਸ਼ਿਮਲਾ,30 ਨਵੰਬਰ,(ਹਰਪ੍ਰੀਤ ਸਿੰਘ ਜੱਸੋਵਾਲ):- ਸ਼ਿਮਲਾ ਦੇ ਸ੍ਰੀਰਾਇਕੋਟੀ ਮੰਦਿਰ (Sriraikoti Temple) ਦੇ ਆਲੇ-ਦੁਆਲੇ ਵੀ ਹਲਕੀ ਅਤੇ ਤਾਜ਼ੀ ਬਰਫ਼ਬਾਰੀ ਹੋਈ ਹੈ,ਕੁੱਲੂ ਦੇ ਜਾਲੋਰੀ ਹੋਲਡਿੰਗ ‘ਚ ਵੀ ਬਰਫਬਾਰੀ ਹੋਈ ਹੈ,ਹਿਮਾਚਲ ਪ੍ਰਦੇਸ਼ (Himachal Pradesh) ‘ਚ ਵੀਰਵਾਰ ਨੂੰ ਯੈਲੋ ਅਲਰਟ (Yellow Alert) ਜਾਰੀ ਕੀਤਾ ਗਿਆ ਹੈ,ਅਜਿਹੇ ‘ਚ ਮੌਸਮ ਨੇ ਕਰਵਟ ਲੈ ਲਿਆ ਹੈ,ਮੌਸਮ ਵਿਭਾਗ (Department of Meteorology) ਦੇ ਸ਼ਿਮਲਾ ਕੇਂਦਰ ਮੁਤਾਬਕ 1 ਦਸੰਬਰ ਤੱਕ ਮੌਸਮ ਖਰਾਬ ਰਹੇਗਾ,ਦੂਜੇ ਪਾਸੇ ਮੌਸਮ ਦੇ ਮੱਦੇਨਜ਼ਰ ਪ੍ਰਸ਼ਾਸਨ ਨੇ ਸੈਲਾਨੀਆਂ ਨੂੰ ਸੰਵੇਦਨਸ਼ੀਲ ਇਲਾਕਿਆਂ ਵੱਲ ਨਾ ਜਾਣ ਦੀ ਹਦਾਇਤ ਕੀਤੀ ਹੈ,ਪਹਾੜਾਂ ‘ਤੇ ਬਰਫਬਾਰੀ ਕਾਰਨ ਬਹੁਤ ਜ਼ਿਆਦਾ ਠੰਡ ਪੈ ਰਹੀ ਹੈ,ਸ਼ਿਮਲਾ ‘ਚ ਵੀਰਵਾਰ ਸਵੇਰ ਤੋਂ ਹੀ ਬੱਦਲ ਛਾਏ ਹੋਏ ਹਨ।
ਮੰਡੀ ਵਿੱਚ ਹਲਕੀ ਬਾਰਿਸ਼ ਹੋਈ ਹੈ,ਰਾਜ ਵਿੱਚ ਵੱਧ ਤੋਂ ਵੱਧ ਤਾਪਮਾਨ ਊਨਾ ਵਿੱਚ 25.6, ਸੁੰਦਰਨਗਰ ਵਿੱਚ 24.2, ਭੁੰਤਰ ਵਿੱਚ 23.0, ਨਾਹਨ-ਸੋਲਨ ਵਿੱਚ 22.0,ਕਾਂਗੜਾ ਵਿੱਚ 21.3,ਚੰਬਾ ਵਿੱਚ 20.5,ਧਰਮਸ਼ਾਲਾ ਵਿੱਚ 19.5,ਸ਼ਿਮਲਾ ਵਿੱਚ 17.5,ਮਾਨਾਲੀ ਵਿੱਚ 16.63 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ,ਕਲਪਾ ਵਿੱਚ ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ,ਹਿਮਾਚਲ ਵਿੱਚ ਇਸ ਸਾਲ ਨਵੰਬਰ ਵਿੱਚ ਆਮ ਨਾਲੋਂ 42 ਫੀਸਦੀ ਘੱਟ ਮੀਂਹ ਦਰਜ ਕੀਤਾ ਗਿਆ ਹੈ,ਬਰਫ਼ਬਾਰੀ ਨਾਲ ਨਜਿੱਠਣ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਸ਼ਿਮਲਾ ਸ਼ਹਿਰ ਨੂੰ 5 ਸੈਕਟਰਾਂ ਵਿੱਚ ਵੰਡਿਆ ਹੈ,ਹਰ ਸੈਕਟਰ ਵਿੱਚ ਐਸਡੀਐਮ ਪੱਧਰ (SDM Level) ਦੇ ਅਧਿਕਾਰੀ ਤਾਇਨਾਤ ਕੀਤੇ ਗਏ ਹਨ। ਹਸਪਤਾਲ ਨੂੰ ਜਾਣ ਵਾਲੀਆਂ ਸੜਕਾਂ ਨੂੰ ਬਹਾਲ ਕਰਨਾ ਪਹਿਲ ਹੋਵੇਗੀ।
