ਜਲੰਧਰ,30 ਸਤੰਬਰ,(ਹਰਪ੍ਰੀਤ ਸਿੰਘ ਜੱਸੋਵਾਲ):- ਜਲੰਧਰ ਕੈਂਟ ਸਟੇਸ਼ਨ (Jalandhar Cantt Station) ਤੋਂ ਦੂਜੇ ਦਿਨ ਵੀ ਕੇਂਦਰ ਸਰਕਾਰ ਖ਼ਿਲਾਫ਼ ਕਿਸਾਨਾਂ ਦਾ ਧਰਨਾ ਜਾਰੀ ਰਿਹਾ,ਜਲੰਧਰ ਰੂਟ ਤੋਂ ਲੰਘਣ ਵਾਲੀਆਂ 100 ਦੇ ਕਰੀਬ ਰੇਲ ਗੱਡੀਆਂ ਸ਼ਾਮਲ ਸਨ,ਇਨ੍ਹਾਂ ‘ਚ ਸ਼ਤਾਬਦੀ ਐਕਸਪ੍ਰੈਸ ਵੀ ਸ਼ਾਮਲ ਸੀ ਪਰ ਦੂਜੇ ਪਾਸੇ ਜੰਮੂ ਰੂਟ ‘ਤੇ ਕਿਸੇ ਤਰ੍ਹਾਂ ਦਾ ਕੋਈ ਵਿਰੋਧ ਨਾ ਹੋਣ ਕਾਰਨ 16 ਟਰੇਨਾਂ ਨੂੰ ਇਸ ਰੂਟ ਤੋਂ ਮੋੜ ਦਿੱਤਾ ਗਿਆ,ਰੇਲਵੇ ਨੇ 227 ਟਰੇਨਾਂ ਨੂੰ ਰੱਦ ਕਰ ਦਿੱਤਾ ਹੈ।
ਰੂਟ ਤੋਂ ਲੰਘਣ ਵਾਲੀਆਂ ਟਰੇਨਾਂ ਵਿੱਚ ਟਾਟਾਨਗਰ ਜੰਮੂ ਤਵੀ 18102,ਪਠਾਨਕੋਟ ਸੁਪਰਫਾਸਟ ਐਕਸਪ੍ਰੈਸ 22429,ਉੱਤਰ ਸੰਪਰਕ ਕ੍ਰਾਂਤੀ ਐਕਸਪ੍ਰੈਸ 12445,ਪੂਜਾ ਸੁਪਰਫਾਸਟ ਐਕਸਪ੍ਰੈਸ 12413,ਜੇਹਲਮ ਐਕਸਪ੍ਰੈਸ 11077,ਮਾਲਵਾ ਸੁਪਰਫਾਸਟ ਐਕਸਪ੍ਰੈਸ 12919,ਸਵਰਾਜ ਐਕਸਪ੍ਰੈਸ 124 ਆਦਿ ਸ਼ਾਮਲ ਹਨ।
ਜਦੋਂ ਕਿ ਰੱਦ ਕੀਤੀਆਂ ਰੇਲ ਗੱਡੀਆਂ ਵਿੱਚ ਅੰਮ੍ਰਿਤਸਰ ਸ਼ਤਾਬਦੀ 12013-14, ਜਨ ਸ਼ਤਾਬਦੀ ਵੰਦੇ ਭਾਰਤ ਐਕਸਪ੍ਰੈਸ, ਛੱਤੀਸਗੜ੍ਹ ਐਕਸਪ੍ਰੈਸ 18237,ਜਲ੍ਹਿਆਂਵਾਲਾ ਐਕਸਪ੍ਰੈਸ 18103,ਹਿਸਾਰ ਅੰਮ੍ਰਿਤਸਰ ਐਕਸਪ੍ਰੈਸ 14653,ਅੰਮ੍ਰਿਤਸਰ ਐਕਸਪ੍ਰੈਸ 14631, ਹੁਸ਼ਿਆਰਪੁਰ ਐਕਸਪ੍ਰੈਸ 14012 ਅੰਮ੍ਰਿਤਸਰ ਐਕਸਪ੍ਰੈਸ,ਇੰਟਰਸਿਟੀ 1245, ਅੰਮ੍ਰਿਤਸਰ ਐਕਸਪ੍ਰੈਸ ਸ਼ਾਮਲ ਹਨ,ਨਕੋਦਰ ਸਿੰਗਲ ਰੇਲ ਲਾਈਨ ਹੋਣ ਕਾਰਨ ਇਸ ਰੂਟ ਤੋਂ ਲੰਘਣ ਵਾਲੀਆਂ ਰੇਲ ਗੱਡੀਆਂ ਸਿਰਫ਼ 15 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲਦੀਆਂ ਸਨ।
