ਚੰਡੀਗੜ੍ਹ, 7 ਜੁਲਾਈ,(ਹਰਪ੍ਰੀਤ ਸਿੰਘ ਜੱਸੋਵਾਲ):- ਪਾਰਕਿੰਸਨ’ਸ ਰੋਗ ਤੋਂ ਪੀੜਤ 64 ਸਾਲਾ ਵਿਅਕਤੀ ਦੀ ਪਾਰਸ ਹੈਲਥ, ਪੰਚਕੂਲਾ ਵਿਖੇ ਹਾਲ ਹੀ ਵਿੱਚ ਡੀਪ ਬਰੇਨ ਸਟੀਮੂਲੇਸ਼ਨ (ਡੀਬੀਐਸ) ਸਰਜਰੀ ਸਫਲਤਾਪੂਰਵਕ ਕੀਤੀ ਗਈ। ਇਸ ਦੇ ਨਾਲ, ਪਾਰਸ ਹੈਲਥ ਪੰਚਕੂਲਾ ਹੁਣ ਪਾਰਕਿੰਸਨ’ਸ ਦੇ ਮਰੀਜ਼ਾਂ ਲਈ ਇਹ ਅਡਵਾਂਸ ਇਲਾਜ ਡੀਬੀਐਸ ਸਰਜਰੀ ਕਰਨ ਵਾਲਾ ਖੇਤਰ ਦਾ ਪਹਿਲਾ ਹਸਪਤਾਲ ਬਣ ਗਿਆ ਹੈ ਜਿੱਥੇ ਇਹ ਸਰਜਰੀ ਡੀਬੀਐਸ ਪ੍ਰੋਗਰਾਮ ਲਈ ਲੰਡਨ ਅਤੇ ਸਿੰਗਾਪੁਰ ਵਿੱਚ ਸਿਖਲਾਈ ਪ੍ਰਾਪਤ ਪਾਰਕਿੰਸਨ’ਸ ਰੋਗ ਦੀ ਮਾਹਿਰ ਨਿਊਰੋਲੋਜਿਸਟ ਡਾ. ਜਸਲਵਲੀਨ ਕੌਰ ਸਿੱਧੂ ਅਤੇ ਡਾ. ਅਮਨ ਬਾਤਿਸ਼ ਨਿਊਰੋਸਰਜਨ ਦੁਆਰਾ ਕੀਤੀ ਗਈ ।
ਸ਼ੁੱਕਰਵਾਰ ਨੂੰ ਇੱਥੇ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ, ਡਾ: ਜਸਲਵਲੀਨ ਕੌਰ ਸਿੱਧੂ, ਹੈੱਡ- ਪਾਰਕਿੰਸਨ’ਸ ਰੋਗ ਅਤੇ ਮੂਵਮੈਂਟ ਡਿਸਆਰਡਰ, ਪਾਰਸ ਹੈਲਥ ਪੰਚਕੂਲਾ ਨੇ ਕਿਹਾ, “ਮਰੀਜ਼ ਅਮਨਪ੍ਰੀਤ ਸਿੰਘ (ਬਦਲਿਆ ਹੋਇਆ ਨਾਮ) ਪਿਛਲੇ 10 ਸਾਲਾਂ ਤੋਂ ਲੱਛਣਾਂ ਦਾ ਸਾਹਮਣਾ ਕਰ ਰਿਹਾ ਸੀ ਅਤੇ ਕਈ ਦਵਾਈਆਂ ਲੈ ਰਿਹਾ ਸੀ। ਮਰੀਜ਼ ਦੀ ਪ੍ਰਕਿਰਿਆ ਲਈ ਜਾਂਚ ਕੀਤੀ ਗਈ ਅਤੇ ਵਿਸਤ੍ਰਿਤ ਮੁਲਾਂਕਣ ਤੋਂ ਬਾਅਦ ਉਸਨੂੰ ਸਰਜਰੀ ਲਈ ਮਨਜ਼ੂਰੀ ਦੇ ਦਿੱਤੀ ਗਈ। ਮਰੀਜ਼ ਨੇ ਸਰਜਰੀ ਲਈ ਚੰਗੀ ਪ੍ਰਤੀਕਿਰਿਆ ਦਿੱਤੀ ਅਤੇ ਸਰਜਰੀ ਤੋਂ ਬਾਅਦ ਉਸ ਦੀਆਂ ਦਵਾਈਆਂ 50% ਘਟਾ ਦਿੱਤੀਆਂ ਗਈਆਂ। ਮਰੀਜ਼ ਹੁਣ ਜ਼ਿਆਦਾਤਰ ਉਹ ਗਤੀਵਿਧੀਆਂ ਕਰਨ ਦੇ ਯੋਗ ਹੈ ਜਿਨ੍ਹਾਂ ਨੂੰ ਪਹਿਲਾਂ ਸਹਾਇਤਾ ਦੀ ਲੋੜ ਹੁੰਦੀ ਹੈ।“
ਡਾ. ਅਮਨ ਬਾਤਿਸ਼ ਨੇ ਕਿਹਾ, “ਇਹ ਦਿਮਾਗ ਲਈ ਇੱਕ ਪੇਸਮੇਕਰ ਸਰਜਰੀ ਦੀ ਤਰ੍ਹਾਂ ਹੈ ਜੋ ਦਿਮਾਗ ਵਿੱਚ ਰੱਖੇ ਇਲੈਕਟ੍ਰੋਡਸ ਦੇ ਬਿਜਲਈ ਸਿਗਨਲਾਂ ਨੂੰ ਬਦਲ ਕੇ ਲੱਛਣਾਂ ਨੂੰ ਕੰਟਰੋਲ ਕਰ ਸਕਦਾ ਹੈ। ਜਿਨ੍ਹਾਂ ਮਰੀਜ਼ਾਂ ਨੂੰ ਡੀਬੀਐਸ ਸਰਜਰੀ ਦੀ ਲੋੜ ਹੁੰਦੀ ਹੈ, ਉਹਨਾਂ ਦੀ ਪਾਰਕਿੰਸਨ’ਸ ਦੇ ਮਾਹਿਰ ਨਿਊਰੋਲੋਜਿਸਟ ਦੁਆਰਾ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ ਅਤੇ ਸਰਜਰੀ ਲਈ ਫਿੱਟ ਘੋਸ਼ਿਤ ਕੀਤੇ ਜਾਣ ਤੋਂ ਪਹਿਲਾਂ UPDRS ਟੈਸਟ ਕਰਵਾਉਣਾ ਚਾਹੀਦਾ ਹੈ।
