ਚੰਡੀਗੜ੍ਹ, 11 ਫਰਵਰੀ, 2024, (ਹਰਪ੍ਰੀਤ ਸਿੰਘ ਜੱਸੋਵਾਲ):- ਪੰਜਾਬ ਫਾਇਰ ਡਿਪਾਰਟਮੈਂਟ (Punjab Fire Department) ਵਿਚ ਔਰਤਾਂ ਦੀ ਭਰਤੀ ਨੂੰ ਲੈ ਕੇ ਸਰਕਾਰ ਨਿਯਮਾਂ ਵਿਚ ਬਦਲਾਅ ਕਰਨ ਦੀ ਤਿਆਰੀ ਕਰ ਰਹੀ ਹੈ,ਸਰਕਾਰ ਨੇ ਇਸ ਸਬੰਧੀ ਐਡਵੋਕੇਟ ਜਨਰਲ (Advocate General) ਤੋਂ ਕਾਨੂੰਨੀ ਰਾਏ ਮੰਗੀ ਹੈ,ਤਾਂ ਜੋ ਪਹਿਲਾਂ ਤੋਂ ਮੌਜੂਦ ਨਿਯਮਾਂ ਨੂੰ ਸੋਧਿਆ ਜਾ ਸਕੇ,ਸਰਕਾਰ ਨਿਯਮਾਂ ਵਿਚ ਸੋਧ ਕਰਕੇ ਆਉਣ ਵਾਲੇ ਹਫ਼ਤੇ ਵਿਚ ਨੋਟੀਫਿਕੇਸ਼ਨ ਜਾਰੀ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿਉਂਕਿ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਖ਼ੁਦ ਜਨਤਕ ਮੰਚ ਤੋਂ ਇਸ ਦਾ ਐਲਾਨ ਕੀਤਾ ਸੀ,ਉਨ੍ਹਾਂ ਇਹ ਵੀ ਵਾਅਦਾ ਕੀਤਾ ਕਿ ਇਨ੍ਹਾਂ ਨਿਯਮਾਂ ਨੂੰ ਪਹਿਲ ਦੇ ਆਧਾਰ ‘ਤੇ ਬਦਲਿਆ ਜਾਵੇਗਾ।
ਦਰਅਸਲ,ਫਾਇਰ ਡਿਪਾਰਟਮੈਂਟ (Fire Dept) ਦੇ ਭਰਤੀ ਨਿਯਮਾਂ ਵਿਚ ਇੱਕ ਸ਼ਰਤ ਹੈ ਕਿ ਪੁਰਸ਼ ਅਤੇ ਔਰਤ ਬਿਨੈਕਾਰਾਂ ਨੂੰ ਸਰੀਰਕ ਟੈਸਟ ਵਿਚ 60 ਕਿਲੋਗ੍ਰਾਮ ਭਾਰ ਲੈ ਕੇ 100 ਗਜ਼ ਦੀ ਦੂਰੀ ਤੱਕ ਪੈਦਲ ਚੱਲਣਾ ਹੋਵੇਗਾ,ਇਸ ਦਾ ਮਹਿਲਾ ਬਿਨੈਕਾਰਾਂ ਵੱਲੋਂ ਵਿਰੋਧ ਕੀਤਾ ਜਾ ਰਿਹਾ ਹੈ,ਡੇਰਾਬੱਸੀ ਵਿਚ ਇੱਕ ਇਕੱਠ ਵਿਚ ਕੁਝ ਲੜਕੀਆਂ ਨੇ ਮੁੱਖ ਮੰਤਰੀ ਭਗਵੰਤ ਮਾਨ ਕੋਲ ਇਹ ਮੁੱਦਾ ਉਠਾਇਆ ਸੀ,ਉਹਨਾਂ ਦੀ ਦਲੀਲ ਸੀ ਕਿ ਉਹਨਾਂ ਨੇ ਫਾਇਰ ਵਿਭਾਗ ਵੱਲੋਂ ਅਲਾਟ ਕੀਤੀਆਂ ਅਸਾਮੀਆਂ ਲਈ ਸਾਰੀਆਂ ਯੋਗਤਾਵਾਂ ਪੂਰੀਆਂ ਕੀਤੀਆਂ ਹਨ,ਪਰ ਵਜ਼ਨ ਨਿਯਮਾਂ ਕਾਰਨ ਉਹ ਮੁਸੀਬਤ ਵਿੱਚ ਹੈ।
ਉਨ੍ਹਾਂ ਦੀ ਗੱਲ ਸੁਣਨ ਤੋਂ ਬਾਅਦ ਮੁੱਖ ਮੰਤਰੀ ਭਗਵੰਤ ਮਾਨ (Chief Minister Bhagwant Mann) ਨੇ ਖ਼ੁਦ ਮੰਨਿਆ ਕਿ ਇਹ ਸੰਭਵ ਨਹੀਂ ਹੈ ਕਿ ਜਦੋਂ ਅੱਗ ਲੱਗੀ ਤਾਂ ਉੱਥੇ ਫਸਿਆ ਵਿਅਕਤੀ ਸਿਰਫ਼ 60 ਕਿਲੋਗ੍ਰਾਮ ਦਾ ਹੀ ਹੋਵੇਗਾ,ਅਜਿਹੇ ‘ਚ ਉਨ੍ਹਾਂ ਕਿਹਾ ਸੀ ਕਿ ਇਨ੍ਹਾਂ ਨਿਯਮਾਂ ‘ਚ ਜਲਦ ਹੀ ਸੋਧ ਕੀਤੀ ਜਾਵੇਗੀ,ਹਾਲਾਂਕਿ ਪਤਾ ਲੱਗਿਆ ਹੈ ਕਿ ਹੁਣ 40 ਕਿਲੋ ਭਾਰ ਵਰਗ ਲਈ ਸ਼ਰਤ ਲਗਾਈ ਕੀਤੀ ਜਾ ਸਕਦੀ ਹੈ।
ਪੰਜਾਬ ਦਾ ਫਾਇਰ ਵਿਭਾਗ (Fire Dept) ਸਥਾਨਕ ਸਰਕਾਰਾਂ ਵਿਭਾਗ ਅਧੀਨ ਆਉਂਦਾ ਹੈ,ਇਸ ਸਰਕਾਰ ਦੇ ਸੱਤਾ ਵਿਚ ਆਉਂਦੇ ਹੀ ਪੰਜਾਬ ਸਰਕਾਰ ਨੇ ਪੂਰੇ ਸੂਬੇ ਵਿਚ ਫਾਇਰ ਵਿਭਾਗ ਨੂੰ ਮਜ਼ਬੂਤ ਕਰਨ ਲਈ ਕੰਮ ਸ਼ੁਰੂ ਕਰ ਦਿੱਤਾ ਹੈ,ਫਾਇਰ ਵਿਭਾਗ ਨੂੰ ਅਤਿ ਆਧੁਨਿਕ ਮਸ਼ੀਨਰੀ ਮੁਹੱਈਆ ਕਰਵਾਈ ਗਈ ਸੀ,ਇਸ ਤੋਂ ਬਾਅਦ ਮੁਹਾਲੀ ਜ਼ਿਲ੍ਹੇ ਵਿਚ ਪਹਿਲਾ ਫਾਇਰ ਇੰਸਟੀਚਿਊਟ ਬਣਾਉਣ ਦਾ ਫੈਸਲਾ ਕੀਤਾ ਗਿਆ।
ਇਸ ਦੇ ਨਾਲ ਹੀ ਹੁਣ ਸਰਕਾਰ 450 ਦੇ ਕਰੀਬ ਅਸਾਮੀਆਂ ਭਰਨ ਦੀ ਤਿਆਰੀ ਕਰ ਰਹੀ ਹੈ,ਲਿਖਤੀ ਪ੍ਰੀਖਿਆ ਹੋ ਚੁੱਕੀ ਹੈ,ਹੁਣ ਇਹ ਨਿਯਮ ਕਰੀਬ 1450 ਔਰਤਾਂ ਲਈ ਸਮੱਸਿਆ ਬਣ ਗਿਆ ਹੈ,ਹਾਲਾਂਕਿ ਸਰਕਾਰ ਇਸ ਬਾਰੇ ਸਾਰੇ ਪਹਿਲੂਆਂ ‘ਤੇ ਵਿਚਾਰ ਕਰ ਰਹੀ ਹੈ,ਪਿਛਲੇ ਸਮੇਂ ਵਿਚ ਜਦੋਂ ਸੂਬੇ ਵਿਚ ਅਕਾਲੀ ਦਲ ਅਤੇ ਭਾਜਪਾ ਸੱਤਾ ਵਿਚ ਸਨ,ਉਸ ਸਮੇਂ ਇਨ੍ਹਾਂ ਅਸਾਮੀਆਂ ਨੂੰ ਆਊਟ ਸੋਰਸ ਰਾਹੀਂ ਭਰਨ ਦੀ ਪਹਿਲਕਦਮੀ ਕੀਤੀ ਗਈ ਸੀ,ਜਦੋਂ ਮੁਹਾਲੀ ਵਿਚ ਸਰੀਰਕ ਟੈਸਟ ਦੀ ਪ੍ਰਕਿਰਿਆ ਸ਼ੁਰੂ ਹੋਈ ਤਾਂ ਲੜਕਿਆਂ ਨੂੰ 60 ਕਿਲੋ ਭਾਰ ਨਾਲ ਦੌੜਨ ਲਈ ਕਿਹਾ ਗਿਆ,ਪਰ ਬਹੁਤੇ ਮੁੰਡੇ ਭੱਜਣ ਦੇ ਯੋਗ ਨਹੀਂ ਸਨ,ਅਜਿਹੀ ਸਥਿਤੀ ਵਿੱਚ ਇਹ ਭਰਤੀ ਮੁਕੰਮਲ ਨਹੀਂ ਹੋ ਸਕੀ,ਨਾਲ ਹੀ,ਇਹ ਭਰਤੀ ਪ੍ਰਕਿਰਿਆ ਅੱਧ ਵਿਚਾਲੇ ਛੱਡਣੀ ਪਈ।
