ਹਾਂਗਜੂ,05 ਅਕਤੂਬਰ,(ਹਰਪ੍ਰੀਤ ਸਿੰਘ ਜੱਸੋਵਾਲ):- ਦੀਪਿਕਾ ਪੱਲੀਕਲ ਅਤੇ ਹਰਿੰਦਰਪਾਲ ਸਿੰਘ ਸੰਧੂ ਦੀ ਭਾਰਤੀ ਸਕੁਐਸ਼ ਜੋੜੀ ਨੇ ਵੀਰਵਾਰ ਨੂੰ ਹਾਂਗਜ਼ੂ (Hangzhou) ਵਿਚ ਚੱਲ ਰਹੀਆਂ ਏਸ਼ੀਆਈ ਖੇਡਾਂ 2023 (Asian Games 2023) ਵਿਚ ਮਿਕਸਡ ਡਬਲਜ਼ ਮੁਕਾਬਲੇ (Mixed Doubles Competition) ਵਿਚ ਸੋਨ ਤਮਗ਼ਾ ਜਿੱਤਿਆ,ਭਾਰਤੀ ਜੋੜੀ ਨੇ ਮਲੇਸ਼ੀਆ ਦੇ ਅਜਮਾਨ ਬਿੰਟੀ ਅਤੇ ਸਿਆਫੀਕ ਬਿਨ ਮੁਹੰਮਦ ਖਿਲਾਫ਼ 11-10,11-10 ਦੀ ਰੋਮਾਂਚਕ ਜਿੱਤ ਦਰਜ ਕੀਤੀ,ਅੱਧੇ ਘੰਟੇ ਤੋਂ ਵੱਧ ਸਮੇਂ ਤੱਕ ਚੱਲੇ ਇਸ ਮੈਚ ਵਿਚ ਕਮਲ ਨੇ ਸਿੱਧਾ ਹੀ ਮੈਚ ਜਿੱਤ ਲਿਆ।
ਦੂਜੀ ਗੇਮ ਵਿਚ ਇੱਕ ਸਮੇਂ ਦੀਪਿਕਾ ਅਤੇ ਹਰਿੰਦਰ ਛੇ ਅੰਕਾਂ ਨਾਲ ਅੱਗੇ ਸਨ,ਪਰ ਮਲੇਸ਼ੀਆ ਦੀ ਜੋੜੀ ਨੇ ਲਗਾਤਾਰ ਕਈ ਅੰਕ ਲੈ ਕੇ ਸਕੋਰ 10-9 ਨਾਲ ਮੈਚ ਆਪਣੇ ਹੱਕ ਵਿਚ ਕਰ ਲਿਆ,ਪਰ ਭਾਰਤੀਆਂ ਨੇ ਦੋ ਅੰਕ ਬਣਾ ਕੇ ਸੋਨ ਤਗਮਾ ਜਿੱਤ ਲਿਆ,ਏਸ਼ੀਆਡ ਦੇ ਇਸ ਐਡੀਸ਼ਨ ‘ਚ ਭਾਰਤ ਦਾ ਇਹ 20ਵਾਂ ਸੋਨ ਤਗਮਾ ਹੈ ਅਤੇ ਦੇਸ਼ ਕੁੱਲ 83 ਤਗਮਿਆਂ ਨਾਲ ਤਮਗ਼ਾ ਸੂਚੀ ‘ਚ ਚੌਥੇ ਸਥਾਨ ‘ਤੇ ਹੈ,ਬਾਅਦ ਵਿਚ,ਸੌਰਵ ਘੋਸ਼ਾਲ ਪੁਰਸ਼ ਸਿੰਗਲਜ਼ ਦੇ ਫਾਈਨਲ ਵਿਚ ਮਲੇਸ਼ੀਆ (Malaysia) ਦੇ ਇਆਨ ਯੂ ਐਨਜੀ ਨਾਲ ਭਿੜੇਗਾ।
